MedWOW / მომსახურებები / შუამავლობის/არბიტრაჟის მომსახურება
 

შუამავლობის/არბიტრაჟის მომსახურება

MedWOW-ი თანამშრომლობს დავების გადაჭრის საერთაშორისო ცენტრთან, რომელიც წარმოადგენს ამერიკის არბიტრაჟის ასოციაციის (AAA) საერთაშორისო განყოფილებას და გთავაზობთ არბიტრაჟისა და შუამავლობის მომსახურებას.
რა არის შუამავლობა?
 
შუამავლობა არის პროცესი, როდესაც მიუკერძოებელი მესამე მხარე ეხმარება კონფლიქტის მონაწილე ორ მხარეს მოლაპარაკებების წარმოებაში და ყველასათვის მისაღები გადაწყვეტილების შემუშავებაში. თუ მხარეები ვერ მიაღწევენ დავის გადაწყვეტას მოლაპარაკებების გზით, მათ  შეუძლიათ მიმართონ არბიტრაჟს ან სასამართლოს. AAA-ს შუამავლები არიან ადვოკატები, ყოფილი მოსამართლეები და სხვადასხვა ბიზნეს და პროფესიონალური სფეროების ექსპერტები.
 
შუამავლობის უპირატესობები:
 
მეტი ალტერნატივა - როგორც ნეიტრალურ მხარეს, შუამავალს შეუძლია სადავო საკითხი შეაფასოს ობიექტურად და განიხილოს ალტერნატული გადაწყვეტილებები, რომლებიც არ წამოჭრილა მხარეთა შორის დავისას.
 
ზოგავს დროს - თუ შუამავალი ჩაერთვება დავის ადრეულ სტადიაში, შეთანხმება გაცილებით სწრაფად მიიღწევა, ვიდრე სასამართლო პროცესის შემთხვევაში.
 
ზოგავს თანხებს-შუამავლობა ფულადი სახსრების დაზოგვის საშუალებას იძლევა იურიდიული მხარდაჭერის დროისა და დანახარჯების შემცირების გზით.
 
პიდაპირი მოლაპარაკება - მხარეები პირდაპირ არიან ჩართულნი დავის გადაწყვეტაში.
 
ბიზნეს ურთიერთობების შენარჩუნება- მხარეებს აქვთ საშუალება მომავალშიც განაგრძონ ბიზნეს თანამშრომლობა.
 
მრავალენოვანი მომსახურება
 
 
რა არის არბიტრაჟი?
 
არბიტრაჟი არის დავის განხილვის პროცესი ერთი ან მეტი მიუკერძოებელი პირის  მიერ საბოლოო და იურიდიული ძალის მქონე გადაწყვეტილების მისაღებად. იგი ასევე ცნობილია როგორც ”არბიტრაჟის წერილობითი განაჩენი”. არბიტრაჟის მიერ მიღებული გადაწყვეტილება საბოლოოა და არ ექვემდებარება გასაჩივრებას. საერთაშორისო არბიტრაჟი დაცულია საერთაშორისო ხელშეკრულებებით, მათ შორის გაერთიანებული ერების ორგანიზაციის კონვენციით უცხოური არბიტრაჟის გადაწყვეტილებების ცნობისა და შესრულების შესახებ.
 
რატომ ICDR?
 
ICDR გთავაზობთ დავების გადჭრის მოქნილ პირობებს, რომელთაც შეუძლიათ მხარეების მოთხოვნილებების დაკმაყოფილება. მხარეები არიან თავისუფალნი პროცედურებისა და დავის გადაჭრის ადგილის, ენისა და პროცესის სხვა ძირითადი ასპექტების არჩევაში.